“Río Aragón” satisfeito con a decisión d’o concello de Sangüesa d’oposar-se a Yesa

L'asociación leva anyadas luitando contra o recreiximiento de l'entibo de Yesa

Logo de l'asociación Río AragónIste pasau cabo de semana se ha celebrau en Artieda l’asambleya anyal de l’Asociación Río Aragón. Astí s’ha esviellau a Chunta Directiva a on que contina como president Luis Solana, reforzando-se as vocalías que treballarán a espardidura y movilización social y incorporando-ie a chovens d’a localidat en nuevas dembas.

L’asambleya contó con a presencia de bells miembros d’a plataforma “Yesa+No, Vida+Sí” de Sangüesa, que dioron treslada d’a decisión presa por o concello d’a localidat que s’ha posicionau de tot contra o recreiximiento de Yesa, en una moción aprebada con 8 votos a favor, 2 en contra y una abstención. Se valuró que iste ye un feito de especial relevancia t’a causa que esfiende l’AsociaciónRío Aragón. Os argumentos meyoambientals, de irracionalidat de gasto publico en un inte de crisi como agora y, más que más, d’o risque que o recreiximiento suposa t’as personas que viven auguas abaixo de l’entibo, son de tot compartius por l’asociación.

Tamién se i aprebó a memoria de l’anyada pasada, valurando-se de traza muito positivo a movilización feita en Zaragoza y os actos desembolicaus en Artieda u Sangüesa como conseqüencia de l’aprebación d’o modificau numer 3. De vegada se dio luz verda a los recursos presentaus contra o debandito modificau, solicitando a suya nulidat y contra a sentencia d’o Tribunal Superior de Chusticia d’Aragón que daba piet a estricallar o trazau historico d’o Camín de Sant Chaime, Patrimonio d’a Humanidat.

L’Asambleya s’ha proposau como obchetivos a curto plazo reprener os premios Venero que reconoixen a asociacions y personas que haigan destacau en a suya luita contra o recreiximiento de Yesa. Tamién se  preba de fer unas chornadas en Artieda, Chaca y Sangüesa arredol d’o diya mundial contra os grans entibos d’o 14 de marzo, que faiga honra ta continar denunciando a irracionalidat que ye o recreiximiento de Yesa. Con ixo l’asociación preba de prevenir a la población d’a prebatina d’o PP d’empentar o trascole que, como siempre s’ha sabiu, nomas ye posible con grans infraestructuras de regulación en cabecera como en ye Yesa.

En l’asambleya se constató que Yesa ye un prochecto fillo d’un tiempos de disparate economico y burbullas de formigón pero que no i culle si queremos dar salida a ista crisi con politicas de racionalidat y austeridat.

Asociación Río Aragón contra el recrecimiento de Yesa – COAGRET

Fuent: http://arainfo.org/2011/11/%E2%80%9Crio-aragon%E2%80%9D-acoge-con-gran-satisfaccion-la-decision-del-ayuntamiento-de-sanguesa-de-oponerse-a-yesa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.