109.400 aturaus en Aragón, seguntes a Encuesta de Población Activa espanyola

En os zaguers meses de 2011 4300 presonas quedaron en situgación de desemplego

Aragón remató l’anyo 2011 con 109.400 aturaus, ye dicir, una taixa de desemplego d’o 16,84% y una taixa d’actividat d’o 58,60%. O numero d’aturaus entre os meses de setiembre y aviento puyó en 4.300 personas respective a o terceno trimestre, seguntes os datos d’a Encuesta de Población Activa espanyola.

Por provincias, Zaragoza ye a que presienta una taixa d’aturo mas alta, un 17,77% (85.300 aturaus), seguida de Teruel, con un desemplego  d’o 14,81% que se traduz en 9.800 desemplegaus, y Uesca que rechistró en o quarteno trimestre de 2011 un 13,84% y 14.400 desemplegaus.

A taixa ye pareixida entre hombres y mullers, arredol d’o 16,83%, encara que bi’n ha mas hombres sin triballo en termins absolutos.

O dato espanyol tamién puta, deixando a taixa d’ature en o 22,85% con 5.273.600 presonas en situgación de desemplego.

3 Rispuestas a 109.400 aturaus en Aragón, seguntes a Encuesta de Población Activa espanyola

  1. Enqüesta, taxa, tercer trimestre, ature, puya (puta?), personas, situación…
    Arredol ye un referent ta escribir en aragonés, asinas que cal repolir es articlos.
    Gracias

  2. Censura? Arredol s’alza o dreito sw moderar os comentarios que no respecten os dreitos y libertatz fundamentals…

  3. Por qué cuesta tanto trobar a comparativa de tasas de desemplego entre comunidatz?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.