110 millons d’euros de deuda amagada en o Concello de Zaragoza

Fernando Rivarés considera que ye debida a "practicas irresponsables". Pedro Santisteve ha afirmau que "si cal quitar diners, caldrá quitar-los d'aquells que tienen grans capitals".

Fernando Rivarés en rueda de prensa. Foto: AraInfo

Fernando Rivarés en rueda de prensa. Foto: AraInfo

L’auditoría interna que o gubierno de Zaragoza en Común encargó pa conoixer o estau d’as cuentas d’a capital aragonesa ha desvelau una deuda amagada por valor de 109.506.401 euros pa 2015. Fernando Rivarés, consellero d’Economía y Cultura, considera que son debidas a practicas irresponsables d’anteriors gubiernos.

60 millons d’ista deuda no tien credito presupuestario, d’os que 53 millons son de fa quatro anyos. Amás se calcula 80 millons d’euros mas de deuda pa 2016 por sentencias condenatorias, 44 d’ells que reclama Tuzsa, chunto a os 48,7 millons a pagar por sentencias d’expropiacions que cal pagar antes de no rematar estianyo.

Rivarés ha criticau o que ha calificau de “practicas irresponsables” como recurrir sentencias chudicials “porque sí”, que nomás i hese 250.000 euros de continchencia quan se sabeba que podeba puyar dica 40 millons u a existencia de 28 creditos financiers diferents.

Rivarés ha afirmau que ye imposible fer cara a ista deuda en un unico exercicio presupuestario sin que afecte a os servicios basicos que presta o concello. O consellero de Zaragoza en Común ha asegurau que s’estudiará un presupuesto pa 2016 que “contemple o coste que verdaderament tienen os distintos servicios y se irá repartindo ista deuda amagada mientres toda a lechislatura“.

Respective a deuda a largo plazo, Rivarés ha anunciau que asciende a 814 millons d’euros. O consellero ha explicau que ista cifra empacha a o Concello d’acudir a prestamos bancarios pa fer frent a las suyas necesidatz de gasto”.

Por a suya parte, l’alcalde, Pedro Santisteve ha declarau que os diners que recibiría o concello por a Lei de Capitalidat cubrirían os 110 millons d’euros d’a deuda. Ha afirmau que “as deudas se pagarán en o marco lochico de negociación con as entidatz a las que se debe, pedindo-les que i haiga una poca de chenerosidat”.

L’alcalde ha destacau que “si cal quitar diners, caldrá quitar-lo d’aquells que tienen grans capitals. Aquí no somos pa pretar-le as tuercas a una ciudadanía que ye bien farta de retalles y de crisi”.

Zaragoza en Común ha publicau en a web d’o Concello de Zaragoza o estau financiero y economico d’o mesmo pa que qualsiquier persona pueda consultar-lo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.