’12 anyos d’esclavitut’ y ‘Gravity’, triunfadoras d’os Oscar

Cate Blanchett se leva a estatueta como millor actriz por 'Blue Jasmine', y Matthew McConaughey, a de millor actor por 'Dallas Buyers Club'

Foto: Travis http://www.flickr.com/people/62003934@N05 (CC-BY)

Foto: Travis http://www.flickr.com/people/62003934@N05 (CC-BY)

12 anyos d’esclavitut‘, de Steve McQueen, y ‘Gravity‘, d’Alfonso Cuarón, han estau os dos films mas galardonaus en os Oscar d’estianyo. L’aventura espacial protagonizada por Sandra Bullock y George Clooney s’ha levau a mayoría d’estatuetas, siet, incluida a de millor director, pero o film de McQueen, produciu por Brad Pitt, ha aconseguiu finalment o premio mas deseyau, o de millor film de l’anyo. Por o que fa a interpretes, Cate Blanchett, a gran favorita, ha estau considerada a millor actriz protagonista por ‘Blue Jasmine’, de Woody Allen, y Matthew McConaughey, o millor actor por ‘Dallas Buyers Club’; Leonardo Di Caprio, pus, no ha puesto levar-se o suyo primer Oscar.

Jared Leto, companyero de reparto de McConaughey en ‘Dallas Buyers Club’, s’ha levau l’Oscar a o millor actor secundario. Y a millor actriz secundaria ha estau Lupita Nyong’oque, por o suyo papel d’esclava en ’12 anyos d’esclavitut’.

O premio a o millor guion orichinal l’ha obteniu Spike Jonze, por ‘Her’; ‘A gran bellezza‘, de l’italiano Paolo Sorrentino, ha ganau o premio a o millor film de fabla no anglesa; y ‘Frozen‘, de Disney, ha teniu doble premio: millor film d’animación y millor canta: ‘Let it go’, interpretada por Idina Menzel.

As grans decepcions han estau ‘A gran estafa americana‘, nominada en diez categorías; ‘O lupo de Wall Street‘, con cinco nominacions y ‘Nebaraska‘, con seis, que s’ha quedau sin garra d’as estatuetas a las qualas optaban. Por o que fa a la unica representación espanyola que optaba a un Oscar, ‘Aquel no era yo‘ d’Ángel Crespo, tamién s’ha quedau en blanco dimpués que s’imposase ‘Helium‘ d’Anders Walter y Kim Magnusson.

A gala s’ha celebrau iste luns de maitinada, hora peninsular, en o teatro Dolby de Los Angeles y ha iu a cargo d’a presentadora y actriz Ellen De Generes, que entre o transcurso d’a ceremonia s’ha feito una foto sobre o scenario con quantos actors que s’ha convertiu en a mas retuitiada d’a historia, con mas de dos millons de retuits. Dica agora, iste record yera t’o president d’os Estaus Unius, Barack Obama, quan revalidó o suyo mandato.

Fuent: http://www.vilaweb.cat/noticia/4176613/20140303/12-anys-desclavitud-gravity-triomfadors-oscar.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.