12ª edición d’a Trobada por a Cultura Aragonesa en Arandiga

L'Asociación Cultural O Trinquete (ACOT) d'Arandiga torna a celebrar una nueva edición d'a Trobada por a Cultura Aragonesa iste sabado 1 de setiembre

Unatro anyo mas se celebrará en a localidat zaragozana d’Arandiga a Trobada por a cultura aragonesa, organizada por l’Asociación Cultural O Trinquete y que ya plega en a dotzena edición estianyo. A cita será iste sabado 1 de setiembre en a dita localidat a on se ferán una serie d’actividatz culturals mientres tot o diya, con a mosica tradicional como tema central.

De maitins a las 11 h. será o momento d’o taller “Métete caña” reyalizau por a Casa d’o Gaitero d’Aguarón y que consistirá en un taller de construcción d’instrumentos mosicals de canya, amás d’una exposición d’instrumentos d’o mundo. A las 14 h. se ferá una chenta popular.

De tardes a las 18 h. se celebrará una trobada de mosicos tradicionals con pasavillas y actuacions de Profés Prou (Aragón), Gaiteros de la Sagra (Castiella), Colla La Llavor de Almenara (Valencia) y a Colla Gaztara de Paterna (Valencia).

Ya de nueitz, ta rematar a trobada, se ferá o festival “Erizo Rock”, con as actuacions de Tractores Agresivos (Ricla) y Azero (La Codonyera) dende as dotze d’a nueit.

Totz os actos se celebrarán en a siede de l’Asociación Cultural O Trinquete d’Arandiga.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.