13 coalicions se presentarán a las eleccions espanyolas

A Chunta electoral central ha feito publicas as coalicions que se presentarán a las eleccions espanyolas d’o 20-N. Son 13 en tot l’estau, y 2 d’ellas tienen presencia de partius aragoneses, encara que atras tamién cuentan con aragoneses de partius d’ambito estatal.

L’organo electoral ha almitiu a la coalición d’IU, porque se lis heba demandau fa dos diyas que modificasen bellas errors formals. O nombre oficial d’ista coalición de cuchas ye o d’os trece partius que la integran y a la fin a expresión: “a cucha plural”. Amás de Izquierda Unida, forman parte de “a cucha plural” ICV, EUiA, CHA, Socialistas Independientes de Extremadura, Batzarre, Los Verdes, GiraMadrid-Los Verdes, Els Verds del País Valenciá, Opció Verda-Els Verds, Canarias por la izquierda, Iniciativa por El Hierro y Partido Democratico y Social de Ceuta.

O PP se presentará en Aragón con o PAR, baixo lo nombre de “Partido Popular en coalición con el Partido Aragonés”.

Tamién ha estau constituida validament Amaiur, coalición de Eusko Alkartasuna, Alternatiba Eraikitzen y Aralar, en Euskadi y Navarra. En la Comunidad Valenciana se presienta Bloc-Iniciativa-Verds-Equo-Coalició Compromís, qyue se presentan baixo “Compromís-Q”.

Una coalición denominada “Anticapitalistas” reune a os partius Revolta Gloval, Cucha Anticapitalistas y Los Verdes-Comunidad de Madrid. Baixo la marca “Basta Ya, Agrupación Abierta de Partidos Politicos” se presienta o Partido gay, lesbico, bisexual, transexual y heterosexual/todos somos iguals en companyía d’Alternativa Motor y Deportes.

Una rispuesta a 13 coalicions se presentarán a las eleccions espanyolas

  1. Alberto Alcaine

    “Baixo la marca “Basta Ya, Agrupación Abierta de Partidos Politicos” se presienta o Partido gay, lesbico, bisexual, transexual y heterosexual/todos somos iguals en companyía d’Alternativa Motor y Deportes.” WTF!!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.