13 Krauss y Azero en o 10eno cabo d’anyo d’A Enrestida

O colectivo, que ye parte d'o BIC, celebra iste sabado 10 anyos d'actividatz culturals y reivindicativas

cartelO colectivo A Enrestida cumple 10 anyadas y lo celebra con un concierto que se ferá iste sabado 21 en a Sala Explosivo de Zaragoza con as collas 13 Krauss, de folk – punk y o rock teruelano d’Azero. As entradas cuestan 5 euros y se pueden mercar en Urban Hell Tattoo piercing (C / D. Teobaldo 10-12) y en A Flama Tabierna (C /Mayor 53)

Antimás, a celebración se completa con una chenta popular en o centro social que mena iste colectivo en o Callizo Sant Cristobal d’o zaragozano vico d’a Madalena. O colectivo tamién anuncia muitas sorpresas mientres o diya.

A Enrestida se define como “un colectivo que treballa, dende l’anvista de l’independentismo de cuchas, en o desenvolic y protección d’a cultura aragonesa y as luengas minoritarias d’Aragón“. Mientres os zaguers 10 anyos han feito arrienda charradas, chornadas, conciertos, audicions y toda mena d’actividatz culturals y reivindicativas. Tamién menan un Centro Social Autochestionau que comparten con o prochecto mosical Magofermín y a on que ye una d’as siedes d’a Biblioteca Frida Kahlo.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.