Nueva sesión d’as chornadas ta recuperar una huerta productiva y agroecolochica en Zaragoza

As chornadas reivindican o papel d'a huerta zaragozana en l'alimentación

Foto: Arainfo

Foto: Arainfo

Iste martes 17 se ferá una nueva sesión d’as «Chornadas t’a recuperación d’a Huerta Zaragozana», organizadas por a «Plataforma por la Huerta Zaragozana». En as dos sesions anteriores se charró d’a importancia d’a huerta en as ciudatz y d’experiencias de producción d’a huerta periurbana d’atros territorios. O tema de debat d’iste martes será lo nuevo campesinau emerchent, a formación y estructura organizativa que les cal y as diferencias con os agricultors tradicionals.

As chornadas rematarán o chueves 19 afundando en de do vien a virolla que fa parte d’a nuestra alimentación, o negocio d’o sistema actual d’alimentación que perchudica tanto a los productors local como a los consumidors y as alternativas que bi ha en Aragón, endrezadas enta unas nuevas trazas de comercialización que amane o productor t’o consumidor.+

As charradas se ferá en o Centro Joaquín Roncal a las 19h. O martes, en a charrada titulada «Nuevos agricultors, retos y fortalezas en a huerta urbana» intervendrán Neus Monllor, qui charrará sobre «O nuevo campesinau emerchent: camins, practicas y actitutz», Isabel Álvarez sobre «A formación y l’asesoramiento ta una agricultura agroecolochica». y Ferran Berenguer sobre a suya «Experiencia personal como agricultor d’un parque agrario».

O chueves 19 as chornadas rematarán con o titol «Minchar d’a huerta nuestra: como amanar os suyos productos t’o consumidor«. I charrarán Ismael Sanz sobre «¿Que bi ha dezaga d’a virolla que mercamos?, David Olmo sobre «Experiencias de comercialización en circuito curto en Aragón», y  Jose Luis Cabrero sobre «Experiencia de restauración colectiva en Aragón».

Fuent: http://arainfo.org/2013/12/nueva-sesion-de-las-jornadas-para-recuperar-una-huerta-productiva-y-agroecologica-en-zaragoza/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.