13Krauss presienta o suyo disco en a fiesta de St Patrick d’a sala López

Tanyerán con Cachirulos XL y Lüger

13 Krauss Foto: Sala López

13 Krauss Foto: Sala López

Iste viernes, a Sala López ha programau una fiesta de Sant Patrick (patrón d’Irlanda), con a presencia d’as collas de mosica Cachirulos XL, Lügers y 13 Krauss. Istos zaguers, antimás, presentarán a edición en vinilo d’o suyo disco “Seguir en pie”, editau por Urban Hell, Skandalo en las ondas y Rocktubernio

O disco salió en formato CD fa bells meses y ye recibindo muit buenas criticas. A banda fa un mezclallo de mosica entre o punk y a mosica celta y prometen un “show especial ta ista calendata tant sinyalada” con “sudor, baile y actitut, tres ingredients vitals ta disfrutar d’o suyo potent directo”. Tamién serán en o scenario Los Lügers, trío zaragozano que fa un “potent rock and roll muit influyenciau por o punk americano” y Cachirulos XL, qui se definen a sí mesmo como “rock con pitos y flautas”.

A fiesta prencipiará a las 21:00 en a sala López de Zaragoza con un pre de 5 euros, u de 10 euros, incluyindo lo vinilo de 13 Krauss. A organización ha calificau o concierto como “una fiesta sin precedents a on que asperamos que difrutes como lo fería o zaguer irlandés sobre a faz d’a Tierra”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.