142 personas esqueferadas menos en Aragón en abril

A mayor baixada s'ha produciu en a provincia de Teruel. En a provincia de Uesca l'ature puyó. O total de personas sin treballo en Aragón se sitúa en 116.713

inaemEn Aragón a taxa d’ature descendió un 0,12%, descendendo en nomás 142 personas. L’ature descendió en 141 personas en Teruel, 27 en Zaragoza y puyó en 26 personas en Uesca. O total de personas esqueferadas en Aragón se sitúa en 116.713, una cifra que contina estando terrible. Respective a l’abril de 2012, i hai 7.851 personas esqueferadas mas, un 7,21% mas.

Por chenero, a taxa d’ature baixó en os hombres un 0,51%, pero puyó en mullers un 0,28%. Os sectors a on ha descendiu mas l’ature son a construcción y l’agricultura, pero ha puyau en industria, personas sin treballo anterior y servicios. S’han feito 28.249 contractos, 4.339 mas que no en marzo, un 18,15% mas. Manimenos, a mayoría de contractos estioron temporals, 25.408.

En a resta de l’Estau, l’ature ha baixau en 46.050 personas, un 0,91% menos respective a marzo, rechistrando-se 4.989.193 personas esqueferadas. Istas estadisticas son feitas por l’Instituto Nacional d’Estadistica (INE), mientres que os zaguers datos d’ature (6.202.700 esqueferadas en o primer trimestre de l’anyo) son feitas por a Enqüesta de Población Activa (EPA).

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.