144.100 personas sin treballo en Aragón

Seguntes a enqüesta de población activa, a tasa d'ature plega en o 22,4%

Oficina de l'INAEM en Zaragoza (Foto: Aragón Sostenible)

Oficina de l’INAEM en Zaragoza (Foto: Aragón Sostenible)

Seguntes os datos proporcionaus por a Enqüesta de Población Activa (EPA), publicaus o maitin d’o chueves, 144.100 personas son en Aragón en l’ature, 22.200 más que en o pasau agüerro. En iste primer trimestre de l’anyada ha baixau tanto a población activa como a ocupación, puyando a tasa d’ature dica o 22,4% d’a población activa. O numer de personas con treballo queda en 500.300 personas en o país.

Contimparando con o mesmo tiempo de l’anyo pasau o mercau de treballo tamién ha empiorau. A ocupación baixó un 5,6 % en tasa anyal. Tamién baixaba o numer d’activos, un 0,7% anyal, que son 4.700 personas activas menos que en o primer trimestre de 2012. A suma d’as dos variacions se resume en una puyada de 24.800 personas más esqueferadas entre os primers trimestres d’os dos exercicios.

Por chenero, en ista zaguer temporada, no s’han produciu grans cambios, estando parellanas as cifras ta mullers y hombres. Por sectors as cayidas estioron cheneralizadas en iste primer trimestre.  O sector industrial baixaba un 15,1% en tasa anyal, servicios un 3%, construcción un 6,2% y agricultura un 3,7%.

Por provincias, Zaragoza torna a tener o pior dato, con un 24,1% luen de Teruel con un 18,8% d’ature y Uesca, con un 16,5%.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.