15 d’agosto, Aragón en fiestas

O ciclo festivo d’estiu plega en o suyo inte más intenso en o país con as fiestas en muitismos lugars ta iste diya 15 d’agosto y siguients. Rematando as fiestas de Sant Lorient de Uesca y ya pasada a Vaquilla de Teruel, Calatayud ye a ciudat más gran que prencipia as fiestas istos diyas, ta Sant Roque, o santo festero d’o 16 d’agosto. Más de 200 lugars de tot o país fan istos diyas as suyas fiestas grans. Escatrón, Sigües, Sastago, Pozuel, Morata, A Puebla d’Alfindén, Alarba, Fabara, Pina d’Ebro, Chiprana, Sabinyán, Ainzón, Abiego, Bielsa, Chasa, Albelda, Belver de Cinca, Campo, Candasnos, Esplús, Labuerda, Sarsamarcuello, Palo, Panticosa, Pertusa, Tierz, Zaidín, Alacón, Singra, Sarrión, Valdeltormo, Valderoures, A Puebla d’Ixar, Maicas, Josa, Frías, Cosa y asinas dica más de 200 lugars.

De bien seguras que istos diyas Orquestas y disco-movils ferán sonar l’himno oficioso d’istas fiestas d’agosto, y de tot o ciclo festivo aragonés, a canta d’a desapareixida colla Ixo Rai! “15 d’agosto”, una d’as cantas más versionadas d’a historia d’a mosica aragonesa y que tos deixamos en video en quantas versions ta adhibirnos a totz vusatros en as vuestras fiestas! Que pasetz buenas fiestas!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.