15M Aragón prene as tucas

O movimiento 15M prene as tucas ta reivindicar que politicos y banquers 'no nos representan'.

O colectivo Pedalea estió un d’os primers en refirmar a iniciativa. (Foto: Pedalea)

Dende o movimiento 15M Aragón, s’ha encetau una campanya que convida a prener as tucas ta simbolizar o “refuse a o suicidio colectivo que politicos y banquers nos imposan y, mas que mas, ta reinvindicar que a ciudadanalla no ye culpable d’a deuda contraida irresponsablement por o sector financiero”, ya que, seguntes apuntan dende o 15M, “cierta mena de tucas estión presas ya fa tiempoS por os bancos y por os mercaus neoliberals con o total beneplacito d’a clase politica y consecuencia d’ello son as continas aberracións socio-politicas que son estricallando radicalment a calidat de vida d’a población”.

A iniciativa s’encetó lo 15 de chulio y s’estendillará dica finals d’agosto. L’obchectivo ye recullir o mayor numero de fotos con lemas como A vuestra deuda no la bosamos. 15M Aragón prene as tucas ta dimpués puyar-las a o blog d’o colectivo y ninviar-las a las autoridatz y meyos de comunicación y asinas exichir y anunciar una Campanya Popular sobre a Deuda, que 15M prencipia a parar oficialment en tot l’estau, en estreita relación con os retalles y rescates.

Fuent: http://tomalascumbres.blogspot.com.es/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.