1º de mayo en Aragón

Bi ha convocadas manifestacións en as principals ciudatz d'o país.

Cartels d'as manifestacións en Uesca y Zaragoza

Os diferents sindicatos y organizacións d’o país, han convocau manifestacions t’o 1º de Mayo, día d’o treballador y d’a treballadora.

En Teruel, o Bloque Critico de Teruel organiza t’o 1º de Mayo una manifestación por as carreras que escomencipiará a las 12.00 horas en a Plaza d’a Seu. Posteriorment a las 12.45 horas en Os Pozos de Caudé se ferá un homenache y un socalce Obrero y Popular.

En Uesca, os sindicatos CGT, CNT, HUSTE y SOA se concentraran o venient martes 1º Mayo a las 12.30 horas en a Plaza Navarra ta salir en manifestación dende as 13.00 horas. En rematar o recorriu habrá chenta popular de alforxa arredol d’o monumento d’as Paxaretas de Ramón Acín d’o parque Miguel Servet de Uesca.

En Zaragoza, os sindicatos combativos d’o país, CATA, CGT, CNT, IA y SOA convocan, iste venient 1º de Mayo, a manifestar-se por os dreitos d’a clase treballadera, por o reparto d’a riqueza y por un cambeo en o modelo de sociedat. O cortexo d’a manifestación saldrá a las 12.00 horas de Glorieta Sasera. En rematar a manifestación i hai previsto un socalce, organizau por Radio Topo, en o “Solar d’o Coniello” (c/ Coso, debant d’o local de CGT).

Fuent: http://arainfo.org/2012/04/1%C2%BA-de-mayo-en-aragon/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.