2000 prisoners kurdos en vada de fambre dimpués de 50 diyas

2000 prisoners kurdos son en vada de fambre dende fa 50 diyas por as condicions d'o engarcholamiento d'Öcalan. Os vaders critican a Turquía por haber isolau lo capeza d'o PKK entre que l'estau 'enriste contra civil y chent sin esfensa.

Manifestación por a libertat de Öcalan (Foto: Kurdishfreedom)

Manifestación por a libertat de Öcalan (Foto: Kurdishfreedom)

Quince activistas kurdos se unioron a la vada de fambre en Estrasburgo (Alsacia) ta fer presión a lo Consello d’Europa ta que invie una delegación d’o Comité t’a Prevención d’a Tortura t’a garchola a on ye Öcalan.

Arredol de 500 prisioners kurdos en Turquia anuncioron o lunes pasau que se uniban a atros 1500 prisioners, d’o Partiu d’os Treballadors d’o Kurdistán (PKK) y d’o Partiu ta una Vida Libre en Kurdistán (PJAK), en una vada de fambre ya dura 50 diyas. Protestan por o isolamiento que ye tenendo lo lider d’o PKK, Abdullah Öcalan, aintro d’a prisión d’Imrali, a on ye engarcholau ta cutio.

En una petición publica endrezada a lo president d’o Consello d’Europa, Thorbjørn Jagland,os vaders dicen que os antecedents d’a vada de fambre s’han de mirar en o feito de que dende 2009 Turquia ‘haiga engarcholau quasi 9.000 kurdos, incluyindo-ie seis diputaus, 31 alcaldes, 96 periodistas, 36 advogaus, 183 liders d’o Partiu t’a Paz y a Democracia (BDP), sindicalistas, esfensors d’os dreitos humanos, estudiants y quasi 2.000 ninos’. Tamién critican o feito de que Öcalan haiga estau meso en un ‘isolamiento total y sin precedents dende o 27 ed chulio de 2011, violando todas as leis internacionals’.

Bells millars de kurdos se manifestoron en Estrasburgo en prencipiar abril ta refirmar ixas demandas.

Seguntes l’achencia kurda Firat News, os vades de fambre en as garcholas turcas acusan a lo gubierno turco d’o Partiu d’a Chusticia y d’o Desembolique (AKP) de ‘no meter fin a las enrestidas contra o nuestro lider y contra a nuestra chent’. Dicen tamién que Turquía ‘he feito prebatinas de matanzas masivas, ha enrestiu contra civils y chent sin esfensa de traza fura’.

O lider d’o PKK, Abdullah Öcalan, y lo partiu BDP no demandan un estau kurdo independient sino una solución negociada a lo conflicto alazetada en o que claman ‘confederalismo democratico’, ye decir, institucions politicas comuns t’as redoladas kurdos de Turquía, Iran, Iraq y Siria sin que istos territorios se independicen d’ixos estaus.
Fuent: http://www.jornalet.com/noticia/119/2000-presoniers-curds-en-cauma-de-la-fam-dempuei-50-jorns-per-las-condicions-de-lempresona

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.