2013, o millor anyo d’os zaguers diez en incendios forestals

Iste anyo 2013 s'ha cremau un 96% menos de superficie forestal que no en 2012, estando un total de 341 hectarias cremadas

Modesto Lobón y Roque Vicente en a compareixencia. Foto: Gubierno d'Aragón

Modesto Lobón y Roque Vicente en a compareixencia. Foto: Gubierno d’Aragón

Aragón ha contabilizau 174 incendios forestals con una superficie cremada de 341 hectarias, un 96% de superficie cremada menos que no en 2012, que remató con unas 9.000 hectarias cremadas. Con istas cifras, presentadas por o consellero d’Agricultura, Ganadería y Medio Ambient, Modesto Lobón y o director de Chestión Forestal, Roque Vicente, 2013 se queda como o millor anyo respective a incendios forestals en os zaguers diez anyos y o segundo millor en os zaguers vint.

Modesto Lobón ha declarau que “somos satisfeitos por os buenos datos que se’n han rechistrau en ista campanya. Ha estau un anyo climatolochicament bueno y l’operativo ha resaltau a fuerza d’o primer ataque, contando con una sobreabundancia de medios dende o primer momento“. Roque Vicente ha comentau que “no i ha habiu una relaixación d’os tiempos y medios de respuesta ninviaus debant d’alertas, y os datos de porcentache de conatos respecto a o numero total d’incendios, asinas como os tiempos de respuesta debant d’incendios, continan estando positivas“.

Os incendios con mayor afección, estioron l’incendio de Montanuy, o 5 de chinero, con 110 hectarias, y en o campo de maniobras de l’Exercito espanyol en Sant Gregorio, o 26 de setiembre, con 110,46 hectarias.

Asinas mesmo, s’ha destacau l’adequación d’os monts respective a la prevención gracias a o Plan Impulso, asinas como a reconstrucción d’accesos t’os monts, o fomento d’a ganadería extensiva, a colaboración d’as comarcas y a execución d’o Plan d’Arias Tallafuegos d’Aragón.

O consellero ha destacau que s’han realizau mas treballos de prevención, que han produciu lenya, fusta y biomasa con destín a industria y as casas de zonas rurals.

Tamién han feito buena honra pa l’acotole d’incendios como pa prevenir-los os diferents convenios sinyaus con atras administracions d’Aragón y de l’Estau y a contina incorporación d’as nuevas tecnolochías.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.