2017 será l’anyo d’os Amants en Teruel

Se remerará as 800 anyadas d'a "más polida historia d'a amor nunca recontada"

Os amants de Teruel en a zaguer scena

Os amants de Teruel en a zaguer scena de 2013

Que 2017 esdevienga l’Anyo d’os Amants en Teruel ye a propuesta que l’alcalde d’a ciudat Manuel Blasco ha levau a los representants d’as entidatz teruelanas relacionadas con a historia de Diego de Marcilla y Isabel de Segura: a Fundación Amantes, a Fundación Bodas de Isabel y o Centro d’Iniciativas Turisticas de Teruel.

Seguntes ha explicau l’alcalde, se preba de prencipiar a treballar con tiempo en a programación d’actividatz con l’aduya de toda la ciudat. Ta ixo, malas que rematen As Bodas d’Isabel d’estianyo, se ferá una comisión organizadera que s’encargará d’ir fendo un esbruixallo d’os distinto eventos y que será formada por as entidatz que pueda alportar qualcosa t’as celebracions (asociacions d’interpresarios, comerciantes, etc.)

“Cal prencipiar a treballar en iste cabo d’anyo con tiempo ya que ta bella qüestion fa falta, por eixemplo a demanda a lo Museu de El Prado d’o cuadro sobre os Amants de Muños Degraín ta exposar-lo en Teruel. Ixo leva tiempo. Ta que tot lo mundo lo entienda, meto l’eixemplo de Toledo con l’Anyo de El Greco en 2014. Toda una anyada con actividatz turisticas y culturals que atrayen a arrienda visitants t’a ciudat y que tienen una amplisma repercusión” – explica Blasco.

O Concello de Teruel demandará o refirme a atras institucions como a Diputación Provincial, o Gubierno d’Aragón y lo Gubierno d’Espanya, igual como a entidatz privadas, ta que a celebración d’o 800 cabo d’anyo d’a historia d’os Amants se faiga con tot l’exito posible. Antimás, as Bodas de Isabel son refirmadas por o Prochecto Europa Enamorada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.