25 anyadas d’o mudechar como Patrimonio d’a Humanidat

A ciudat de Teruel celebra o cabo d'anyo d'a declaración d'a UNESCO.

Torre de Sant Salvador
Torre de Sant Salvador

O lunes se ferán vinticinco anyadas dende que a UNESCO declaró o mudechar de Teruel como Patrimonio d’a Humanidat. Ta celebrar ista calendata, o concello teruelano ha programau toda mena d’actos.

Os actos prencipiarán con una visita guidada, o viernes de 18:00 a 20:30, por as azoteas d’os edificios mudechars d’a ciudat. O pre será de 15 euros, diez si se ye d’os Amigos d’os Aimants. Mientres tot lo cabo de semana tamién se ferá una chornada de puertas pataleras ta que toda a población y qui siga visitando a ciudat puedan dentrar-ie. Gambadas de tardis y nueitz, charradas u mesmo una tastadas de lamins tipicos de Teruel son atros d’os actos con completan o programa d’istos diyas.

En a demba de l’amostranza se son programando actividatz en os centros educativos t’o prencipio de 2012. A exposición de Gonzalo Tena “Arredol d’o mudechar” que será istos diyas en Teruel viachará dimpués por Zaragoza, Calatayub y Alcanyiz.

Os diners ta fer posible os actos, son venius dende diferents fuents. O Ministerio de Cultura ja alportau 40.000 euros, a Redolada de Comunidat de Teruel 8.500 y o concello atros 8.500 ta una campanya d’espardidura centrada más que más en as ciudatz de Zaragoza y Valencia. Tamién se ha colaborau con atras institucions y entidatz como a CEOE, a DPT u a Facultat de Sciencias Socials y Humanas.

O lunes se ferá l’acto institucional, a on que charrarán representants d’as institucions y bi habrá un recital de obras d’o teruelano Antón García Abril.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.