3.100 aturaus más en Aragón en o segundo trimestre de l’anyo

A taxa en Espanya puya dica un maximo historico d'o 24,6%

Oficina de l'INAEM en Zaragoza (Foto: Aragón Sostenible)

Oficina de l’INAEM en Zaragoza (Foto: Aragón Sostenible)

O numero de desemplegaus puyó en 3.100 personas en Aragón entre o segundo trimestre (un 2,56%), ta fer un total de 122.300 aturaus en o país. Hue s’han feito publicos os datos d’a Enqüesta de Población Activa correspondients a o segundo trimestre, publicaus iste viernes por l’Instituto Nacional d’Estatistica (INE). D’ista forma, a taxa d’ature en Aragón queda en o 18,64%.

En rilación con o trimestre anterior, lo primer de l’anyo, en Aragón creixió o numero d’ocupaus en o segundo trimestre en 4.200 personas (0,80%), mientres que a población activa lo fació en 7.300 (1,12%). a unión de todas dos variacions se resumió en un aumento d’o numero d’aturaus de 3.100 (2,56%) en referencia a os tres primers meses de l’anyo.

En Espanya a taxa d’ature ha puyau dica un maximo historico d’o 24,6%, fendo un total, seguntes a EPA, de  5.693.100 aturaus en l’estau.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.