4,5 millons d’euros ta prencipiar a apanyar os desperfectos d’as inundacions

O Gubierno d'Aragón ha aprebau iste primer paquet d'emerchencia en Consello de Gubierno. Se destinará a las tres provincias, encara que a Chacetanía ye a diya de hue a zona que mas aduyas ameniste

Con l’obchectivo de “reestableixer en o menor tiempo posible” as afeccions que ha sufriu Aragón en as inundacions rechistradas o cabo de semana pasau, o Gubierno d’Aragón ha aprebau en Consello de Gubierno un primer paquet economico d’urchencia dotau de 4,5 millons d’euros ta acometer una serie d’obras consideradas prioritarias.

En concreto, se ferá servir dita partida ta obras “d’acondicionamiento y reparación d’as vías que presentan problemas en as tres provincias aragonesas”, tot ixo a l’aspera de poder quantificar con mas precisión os danyos dimpués d’a estabilización de laderas y a normalización d’os cauces. A traviés d’istos diners se pretende guaranciar una correcta seguranza vial en todas as carreteras d’Aragón.

Amás, l’executivo aragonés ha confirmau que “se realoixará a las familias afectadas de Castiello de Chaca en distintas viviendas de protección oficial ubicadas en Canfranc Estación”. Con istas decisions, y a tornada t’o colechio d’os ninos de Sadaba, se pretende que as tres provincias recuperen antis con antis a suya rutina habitual en a mida d’o posible.

“Tamién o Gubierno d’Aragón ha realizau as primeras estimacions de danyos sufrius en materia meyoambiental con motivo d’o temporal. Proximament, y en colaboración con a resta d’administracions competents, l’executivo articulará as inversions que calgan ta acometer istas reparacions”, ha apuntau o consellero de Presidencia, Roberto Bermúdez de Castro, en as declaracions posteriors a o mencionau Consello de Gubierno.

Por o que fa a las instalacions d’o colechio de Sadaba que amenisten estar espaldadas, a DGA ha confirmau que encara se ye evaluando a partida de diners que caldrá ta tornar a devantar l’edificio, treballo que se realiza en coordinación contina con a Diputación Provincial de Zaragoza. Y por o que fa a o Departamento de Sanidat, l’executivo aragonés ferá as correspondients inspeccions ta determinar os danyos sufrius en as tomas de soministro d’augua potable, y concarar os correspondients apanyos.

Fuent: http://www.aragon2.com/n-20364-4-45_millones_euros_para_comenzar_arreglar_desperfectos_inundaciones

Una rispuesta a 4,5 millons d’euros ta prencipiar a apanyar os desperfectos d’as inundacions

  1. Pingback: 4,5 millons d’euros ta prencipiar a apanyar os desperfectos d’as inundacions | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.