46 centros educativos d’a provincia de Teruel veyerán amilloradas as suyas instalacions iste anyo gracias a un convenio entre DGA y DPT

As dos institucions invertirán conchuntament 360.000 euros t'a modernización d'os centros

2013-06-04_colegios-teruel2

Foto: Diputación Provincial de Teruel

46 centros educativos d’a provincia de Teruel se beneficiarán d’o convenio de colaboración que ahiere sinyoron a consellera d’Educación d’o Gubierno d’Aragón, Dolores Serrat, y a presidenta d’a Diputación Provincial de Teruel, Carmen Pobo. Se tracta d’un alcuerdo con o qual s’acometerán obras de milloras en os colechios publicos teruelanos mientres 2013.

Cofinanciau a o 50%, cada administración i aportará 180.000 euros, o que suposa un total de 360.000 euros que permitirán reformar y modernizar os centros.

As obras d’adequación y millora d’os colechios publicos incluidas en iste convenio son as siguients: en Albalat de l’Arcebispe se substituirá a caldera d’a calefacción (12.000 €); en Albarracín se substituirá o cremador (4.000 €); en Alcorisa se realizará l’encletau d’as pistas poliesportivas (4.000 €); en Alfambra s’acondicionarán patio, cleta y puerta (9.000 €); en Allepuz se substituirá a cubierta (8.000 €); en Alloza se remodelarán os escusaus, teito y puerta d’entrada (8.000 €); en Archent se substituirá a caldera d’a calefacción (2.029 €); en Baguena s’apanyará a cubierta (6.000 €); en Bezeit s’actuará en a fustería exterior y l’escusau (6.000 €); en Calazeit se realizará l’embaldosau d’as aulas (4.000 €); en Camarena d’a Sierra s’actuará en a fustería exterior, pavimentación (7.272 €); en La Canyada de Beric se remodelarán os escusaus (4.327 €); en Castellot se substituirá a fustería exterior (6.000 €); en Cella se realizarán actuacions en a fustería exterior (1.000 €); en Cretas s’actuará en calefacción y fontanería (4.840 €); en Fuents Calients se substituirá a cubierta (9.000 €); en Galv se ferá a consolidación d’o muro y a substitución de l’encletau (6.000 €); en La Chinebrosa se remodelará o porche d’acceso a o colechio (4.558 €).

Asinas mesmo, en La Iglesuela s’actuará en a instalación electrica y o retellau (12.000 €); en Ixar calefacción y zarramientos serán amilloraus (12.122 €); en Linars de Mora s’actuará en a cubierta y en a frontera (12.000 €); en Ledón tendrán puesto amilloras en cubierta, fustería, iluminación y pintura (6.000 €); en Lo Mas de las Matas s’actuará en teitos, fustería y pintura (15.000 €); en Mazalión s’adequará o patio de recreu (7.199 €); en Mezquita d’Exarc s’amillorará l’interior de l’aula (7.000 €); en Mont-royo s’actuará en materia d’eficiencia enerchetica, escusaus, fustería y pintura (8.000 €); en Mont Albán se remodelará a fustería exterior (9.000 €); en Mora de Rubielos s’actuará tamién en a fustería exterior (1.000 €); en Mosqueruela s’acondicionará o patio (8.000 €); en Odón se substituirá o tellau y s’actuará en as baixants y a cleta (12.000 €); en Uellos Negros se ferá l’isolamiento y substitución d’a fustería interior (9.000 €); en Olba s’acometerá l’adaptación integral d’un nuevo espacio (14.000 €); en Oliet s’actuará en a fustería exterior y os paramentos laterals (6.000 €); en Oriuela se realizará o retellau d’a cubierta y a iluminación interior (8.000 €); en Perals i habrá treballos de pintura interior y exterior, fontanería y cubierta (6.000 €).

Atras actuacions previstas son: en Lo Pobo se substituirá o sistema de calefacción (4.753 €); en Puertomingalvo se renovarán elementos de calefacción (4.946 €); en Rubiuelos de Mora d’adequarán espacios y s’eliminará o deposito de gasolio (8.000 €); en Sant Per de Calanda se realizará l’acondicionamiento d’o semisoterranio ta chimnasio (6.000 €); en Teruel s’actuará en os colechios publicos d’Anexas (cubierta), Ixample (escusaus) y Fuentfresca (lucana) por un importe de 26.951 €; en Torralba de los Sisons se substituirá o sistema de calefacción (8.000 €); en Torrillo s’actuará en fustería exterior, cubierta y iluminación (5.000 €); en Villar Cremato se substituirá o sistema de calefacción (10.000 €); en Villel s’actuará en a fustería exterior (10.000 €); en Visiedo s’amillorará a fustería exterior, a cubierta y a pintura (8.000 €) y en Urreya de Gayén se substituirá a fustería exterior d’o colechio publico (10.000 €).

Plan “Impulso”

Antiparti, a consellera ha abanzau mientres l’acto que os 15 millons d’euros destinaus a infrastructuras educativas que contempla o Plan “Impulso” d’o Gubierno d’Aragón permitirán abanzar as obras ya previstas en a provincia de Teruel como a rehabilitación d’o CRA de Santa Eulalia, a millora d’accesibilidat d’a Escuela Fogar de Teruel u a remodelación de l’IES Baixo Aragón d’Alcanyiz. Amás de fer atras obras necesarias como l’ixample d’o colechio de Sant Blas, d’o colechio de Villaespesa, u d’o colechio de Val de Robres.

Istos 15 millons d’euros se suman asinas a os quasi 65 millons d’euros previstos t’o Plan d’infrastructuras 2012–2015.

Fuent: http://www.cronicadearagon.es/wordpress/?p=41588

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.