496 collas participarán en a Ofrenda de flors d’as fiesta d’o Pilar

En os venients diyas se ferá publico l'orden t'a ofrenda. Autotaxis de Zaragoza ubrirán a ofrenda

Imachen d'a figureta d'a virchen en os Pilars de 2012

Imachen d’a figureta d’a virchen en os Pilars de 2012

Autotaxis de Zaragoza será a primer colla que pasará la Ofrenda de Flors de 2013. O numer 479, que levaba ista colla, ye estau l’esleixiu en o sorteyo que se fació ahiere y que determina l’orden de salida.

Un total de 496 collas participaban en o sorteyo. D’ixa cifra , 62 colectivos s’heban apuntau ta fer o recorriu a primer hora d’o maitin, de 7:30 a 8:00. Un total de 32 collas demandoron d’incoporar-se-ie por a Loncha, en cuenta de por o Paseu d’a Independencia. A Universidat privada de Sant Chorche será la primer d’ixas colla, que marcharán dende a Loncha, por a Plaza d’o Pilar dende as 8:00.

D’as collas que se sorteyoron ahiere, 46 lo feba por primer vegada. Antimás bi ha habiu 71 collas que han demandau actuar en o scenario que se mete en a Plaza d’o Pilar.

A lista completa con horarios de salida y puntos d’acceso se publicará en a web municipal www.zaragoza.es a metat d’a semana venient.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.