5 datos sobre l’asteroide 2012 DA14 que pasará o viernes

L'asteroide 2012 DA14 pasará a nomás 27.700 km d'a Tierra, encara que no representa garra periglo ta vida en a planeta

2012 da14

Fuent: Wikipedia

Ye posible que haigas sentiu charrar de 2012 DA14, un asteroide que pasará prou amán d’a Tierra – a 27.700 kilometros d’a superficie en o momento en que será mas amán. Ye o primer obchecto que pasa tant amán d’a nuestra planeta dende que s’encetoron as observacions astronomicas modernas.

Qué implica o paso d’iste asteroide? I hai bell periglo? A NASA s’ha adedicau a responder todas as dubdas y deixa qualques datos importants ta parar-ne cuenta.

Ye amán 27.700 kilómetros? Encara que a distancia ye prou dillá d’a nuestra atmosfera, l’asteroide pasará por parte de l’espacio que fan servir os satelites artificials que tenemos fendo vueltas allí alto en a orbita, y que se sitúan en un cincho a 35.800 kilometros de distancia d’a superficie. O momento en que l’asteroide sía mas amán, será a 1/10 d’a distancia que i hai entre a Tierra y a Luna.

Puede chocar con bell satelite? A NASA no lo descarta encara que asegura que as posibilidatz en son baixas, ya que a mayoría d’os satelites orbitan mas amán d’a Tierra que no os 27.700 kilometros a que pasará l’asteroide, con uns pocos a 35.800 km. O diametro de l’asteroide ye de 45 metros y viacha a 28.100 km/h. Estió descubierto o febrero de 2012 en l’Observatorio Astronomico Anoia, Catalunya. L’asteroide tamién orbita o Sol, y o suyo venient acercamiento t’a Tierra será en 2046.

Puede chocar con a Tierra? A NASA asegura que no: “O camín de l’asteroide ye muit comprendiu, asinas que no i hai posibilidat d’una colisión“. En caso hipotetico que un asteroide d’istas dimensions plegase a impactar en a planeta bell día, se liberarían 2,5 megatons d’enerchía ta l’atmosfera, causando una esferra en una zona prou ampla.

Se puede veyer? O momento en que l’asteroide sía o mas amán d’a Tierra, pasará sobre l’Ociano Indico, encara que mientres o suyo paso será visible dende Europa, Africa y Asia. Como no ye guaire gran, caldrá un telescopio u a lo menos uns binoculars ta poder alufrar-lo, pero os astronomos en iste costau d’a planeta ya son prestos ta alufrar y averiguar a suya composición y a traza en que chira, entre atras cosas.

Fuent: http://noticies.sirius.cat/2013/02/5-dades-sobre-lasteroide-2012-da14-que.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.