51 destíns ta la pyme aragonesa en 2012

As Cameras de Comercio d'Aragón ufren iste anyo lo programa d'aicións en l'exterior más ambicioso, con 35 aicións entre misións, trobadas y ferias.

As interpresas aragonesas disposan en 2012 d’o Programa d’Entrenacionalización mas amplo nunca no disenyau por as Cameras de Comercio y Industria. A un total de 51 países d’os cinco continents podrán viachar as interpresas d’Aragón ta fer negocios, a traviés de 35 aicións que comprenden misións comercials, trobadas empresarials y ferias. Mas entrenacionalización y mas emparo a la pyme aragonesa en os mercaus exteriors ye a respuesta d’as Cameras de Comercio d’a comunidat a la crisi economica, gracias a un programa d’aicións que se traducirá en un minimo de 5.000 entrevistas de negocio. O numero de destíns creixxe en un 60%.

O plan d’entrenacionalización va dillá de l’alacetal presencia en l’exterior: tamién empenta l’asesoría a las interpresas, en especial a las pymes, por meyo d’a lanzadura y a consolidación d’una nueva serie de servicios innovadors. Asinas, entre atros servicios, as interpresas disposarán de sesions Kilometro 0, que ufren una visión tecnica y practica sobre l’esencial d’a operativa import/export y analisan a viabilidat d’un prochecto de negocio entrenacional; Tallers d’Exportación, que fan peso en nuevos sectors de potencial exportador ta que cada interpresa participant faiga, de traza guiada, o suyo propio plan; y Market Developer, que ufre un tecnico en comercio exterior a tiempo parcial t’o desembolique d’a entrenacionalización d’a interpresa.

Os destíns d’as interpresas aragonesas en 2012 incluyen dende economías emerchents d’os BRICS (Brasil, Rusia, Sudáfrica u China) u os MIST (Mexico, Corea del Sur y Turquía) a mercaus d’alto poder adquisitivo y gran exichencia tecnolochica (EEUU, Chapón u Suiza). Una d’as grans novedatz iste anyo son as misións comercials a países africanos como Nigeria, Mozambique u Ghana, con creiximientos economicos y oportunidatz cada vez mayors. Tamién sobresale a primera misión d’as Cameras de Comercio aragonesas a Israel, prevista ta chunio, asinas como a Malasia, Filipinas, Kenia, Costa Rica y Cazaquistán.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.