600 periodistas morioron a causa d’o suyo treballo mientres o primer decenio d’o sieglo XXI

O Consello de Seguridat advoga por protecher mas a os periodistas

2013-07-18_proteccion-periodistas2

Foto: Radio ONU

Mientres o decenio pasau, 600 periodistas morioron mientres realizaban o suyo treballo. Actualment mils d’istos profesionals arriesgan a suya integridat cada día no solament en os países en conflicto, sino en totz.

Asinas lo subrayó ahiere o vicesecretaire cheneral d’a ONU mientres una sesión d’o Consello de Seguridat sobre a protección a os periodistas. En ella se destacó a importancia d’a labor d’os informadors y a necesidat que conten con guarancias pa realizar o suyo quefer sin temer por as suyas vidas.

Jan Eliasson recordó que a libertat d’expresión y de prensa ye un dreito fundamental y un pilar d’as sociedatz democraticas, y afirmó que cada vegada que un periodista ye asasinau u intimidau por extremistas, narcotraficants u fuerzas gubernamentals, o mundo pierde una voz de denuncia d’os atropellos a os dreitos y a dignidat humanas, igual que d’as menazas a la paz y a la seguridat.

“O menos que podemos fer quan un periodista ye asasinau, ye guaranciar que a suya muerte sía investigada expeditament y que se faiga chusticia. Ye alarmant y inacceptable que mas d’o 90% d’os crimens contra informadors quede impune”, enfatizó.

Eliasson se refirió a o Plan d’Acción d’a ONU pa la Seguridat d’os Periodistas, aprebau en abril de 2012, que busca creyar un ambient seguro metendo fin a la impunidat d’os ataques contra istos profesionals.

Fuent: http://www.cronicadearagon.es/wordpress/?p=42842

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.