65 personas hespitalizadas por a gripe A en Aragón, 22 en a UCI

65 son as personas ingresadas en os hespitals aragoneses por a gripe A. Ahiere moriba un hombre de 76 anyos en Zaragoza. O Gubierno aragonés da un mensache de tranquilidat

Hespital d'Alcanyiz

Hespital d’Alcanyiz

A cifra de personas afectadas y hespitalizadas por a gripe A (H1N1) en Aragón arriba a 65, seguntes ha dau treslau a Dirección Cheneral de Salut Publica d’o Gubierno d’Aragón. As cifras han aumentau en 21 casos mas respective ahiere. Amás, os datos aportaus fablan de 22 d’ixas personas hespitalizadas en as Unidatz de Cudiaus Intensivos (UCI).

Os hespitals que acullen istos casos se reparten entre os hespitals Miguel Servet, Clinico, Royo Villanova, MAZ y a Clinica Quirón en Zaragoza, a on son a mayoría de casos; o hespital San Chorche de Uesca, o hespital Ernest Lluch de Calatayut, o hespital Obispo Polanco de Teruel y o hespital d’Alcanyiz.

Ahiere moriba en a UCI d’o hespital Miguel Servet de Zaragoza, a causa d’a gripe A, un hombre de 76 anyos, que patiba tamién atras patolochías. Dende o Gubierno d’Aragón dan un mensache de tranquilidat pues os casos detectaus son por un regular leves. Asinas mesmo recomiendan de vacunar-se como mida preventiva, en especial os grupos de  risque.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.