80 escritors participarán en a XXX Feria d’o libro de Uesca

A feria prencipiará o 31 de mayo y se prolargará dica o 9 de chunio

Cartel 2013A XXX edición d’a Feria d’o Libro de Uesca se ferá dende o 31 de mayo dica o 9 de chunio en a Plaza López Allué. Un total de bells 80 escritors, nueu librerías, quatre editorials, antimás d’as entidatz colaboraderas, ufrirán a los ciudadans una ampla muestra d’o paisache literario d’a ciudat y o país.

O pregón d’a feria se ferá o 31 de mayo a las 19:00 a cargo de “Clara Usón“, escritora de Barcelona y autora de obras como “La hija del Este” u “Corazón de Napalm”. O VII Premio de relatos d’a Feria se ferá publico mientres istos diyas y s’entregará o 10 de chunio.

Mientres os diyas que dura la feria bi habrá as cutianas presentacions y sinyas de libros, pero tamién se contará con muitas actividatz ta ninos, tallers, teatro u mesmo un concierto de Biella Nuei, qui presentan antimás o suyo “Libro de las pasabillas”. O programa completo se puet consultar en a web d’a Feria.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.