9.260 personas menos en l’ature

O numer de personas en l'ature contina por dencima d'os 10.000

Jorge Escario, director de l'INAEM

Jorge Escario, director de l’INAEM

L’ature rechistrau en Aragón, seguntes o datos publicaus hue por o Servicio Publico de Treballo Estatal, ye de 101.572 personas, 2.093 menos que o mes pasau (-2,02%), y 9.260 menos que en aviento de 2013 (-8,35%).

Por provincias, l’ature ha baixau en as tres, encara que a baixada s’ha viviu más intensa en Uesca (-6,55%, -954 personas) que en Zaragoza (-1,30%; -1.029) y Teruel (-1,11%; -110). Por chenero, en ista ocasión son as mullers as que más han notau a baixada con un 3,77% menos (2.056) frent a os hombres, con un 0,08%. Por trampos d’edat, a mayor baixada de l’ature se da entre os chovens de menos de 25 anyadas, baixando un 10% (-1059). Os que menos os mayors de 45 anyadas a on que nomás baixa un 0,20%.

Como yera de esmaixinar por as calendatas, o sector Servicios ye o que más aduya a que baixe l’ature, contando-se 2.154 aturaus menos que en o mes pasau. En agricultura tamién se baixó o numer d’aturaus encara que en atros sectos como construcción y industria, a tendencia no ye a mesma, alportaus más esqueferaus en iste mes.

Cuanto a numer d’achustes feitos, en aviento de 2014 se’n han sinyau 32.611, un 3,09% menos que o mes pasau, pero un 9.15% más que l’anyo pasau. Pro chenero, os achustes han iu en un 51,65% t’os hombres y en un 48,35 % t’as mullers.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.