960 aturaus menos en Aragón en o mes de mayo

En o computo estatal a baixada ha siu d'un 0,63%, 30.113 presonas

Oficina de l'INAEM en Zaragoza (Foto: Aragón Sostenible)

Oficina de l'INAEM en Zaragoza (Foto: Aragón Sostenible)

Os datos d’o ministerio espanyol d’Emplego sinyalan o segundo mes consecutivo de baixada de l’ature en o país. En o mes de mayo 960 aragoneses han deixau d’estar en l’ature, lo que suposa una rebaixada d’o 0,88%. En total, y siempre seguntes os datos d’o ministerio, os aragoneses y aragonesas en situgación de desemplego son agora 107.902. En o computo provincial, que ye o que fa servir o ministerio, Uesca ha estau a provincia con una baixada más graniza, con 509 demandants menos de triballo. En Zaragoza han siu 286 presonas as que han causau baixa como demandants, mientres que en Teruel son 165.

En o computo espanyol a cayita de l’ature ye d’un 0,63%, 30.113 presonas, y nomás que en Extremadura y Canarias ha puyau a tasa d’ature.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.