O Museu de Zaragoza organiza o seminario ‘China o celeste imperio’

As charradas amostrarán a importancia d'as artes decorativas chinas y a suya valoración, seguntes a suya funcionalidat y singularidat

Una d'as piezas d'a colección (Foto: D.Ch.A.)

Una d’as piezas d’a colección (Foto: D.Ch.A.)

O Museu de Zaragoza en colaboración con l’Asociación cultural Aragón – Chapón contina con as suyas actividatz vincladas a la colección d’Arte de Asia Oriental Federico Torralba. En ista ocasión se tracta d’o seminario “China, o celeste imperio” que se ferá os diyas 13 y 20 de febrero. En istas chornadas s’amostrará la importancia d’as artes decorativas chinas y a suya valoración, seguntes a suya funcionalidat y singularidat.

Ceramicas, lacas y toda mena de muebles, descubrirán a polideza d’o cutiano d’o aluenyau, exotico y, muitas vegadas esconoixiu Oriente. Asinas mesmo se descubrirá o grau d’influyencia que China exerceba sobre os artesanos chaponeses, parando cuenta en as similitutz y esferencias en ixas manifestacions artisticas. As charradas, impartidas por a historiadora de l’arte María Bayón, son endrezadas ta tot lo publico y se ferán de 18:30 a 20:00 en o salón d’actos d’o museu. A matricla se ferá en o Museu de Zaragoza a partir d’as 18:00 de cada chornada.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.