97 periodistas morioron en 2011 fendo o suyo treballo

Reporters sin mugas presentó o suyo informe sobre a profesión en o mundo

Logo RSFReporters sin mugas (RSF) ha presentau o suyo ‘Informe anyal 2011 d’a libertat de información en o mundo’. Seguntes ista organización ista anyada as condicions d’os periodistas ta poder fer o suyo treballo han empiorau en tot lo mundo.

Novanta y siet profesionals estioron asesinaus mientres l’anyada pasada. Antimás 174 estioron engarcholaus y más de mil detenius entre que feban o suyo treballo. Antimás de sucesos excepcionals, como a Primavera Arabe de 2011, a culpa d’ista manca de libertat vien de man d’o crimen organizau, as dictaduras y l’extremismo relichioso, denuncia RSF.

Os puestos más periglosos d’o mundo ta l’exercicio d’o periodismo son Pakistan, Mexico y Honduras. En conchunto, tot America Latina ye un puesto perigloso, diz l’informe, debiu a lo narcotrafico y a la corrupción politica. En l’atro cabo, os países con más seguridat son Finlandia, Noruega y Estonia.

En l’Estau espanyol, l’informe denunció a represión a os periodistas en as manifestacions d’o movimiento 15M u as que bi habió mientres a visita d’o Papa ta Madrid.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.