A A.VV. Venecia clama a participar en una asambleya en solidaridat con Nano

Nano estió condenau a seis meses de garchola y 1080 euros de pinyora por los feitos d'o desaloix d'o Kike Mur.

Acto de refirme a Nano (Foto: Arainfo)

Acto de refirme a Nano (Foto: Arainfo)

L’Asociación de Vecins de Venecia – Monts de Torrero convoca iste venient miercols, 6 de noviembre, a una asambleya informativa a las 19:00 en os locals de l’asociación en a carrera Granada 43 de Zaragoza. A enchaquia de l’asambleya, en parolas d’a propia asociación ye convidar y informar a “totz os colectivos y personas que siempre sotz estaus a lo nuestro costau”, de como ha rematau lo proceso a Nano, dimpués d’o chuicio, sentencia y posterior recurso a la Audiencia Provincial.

Nano, vecin d’o vico de Torrero, estió condenau a seis meses de garchola y a pagar 1.080 euros – a tamás d’a falta de prebas concluyents – acusau de desorden publico y atentau a la autoridat por uns feitos suposadament producius mientres o desaloix d’o CSO Kike Mur, en chiner de 2011.

“Nos fería goyo d’amostrar-tos como ha iu lo proceso y clamar a la solidaridat ta poder concarar entre todas y totz os gastos derivaus d’a esfensa y as pinyoras imposadas”, sinyalan dende a vecinal. “Se zarra con isto lo proceso represivo derivau d’a brutal represión sufrida en o vico a radiz d’o desaloix – frustrau gracias a la rasmia d’as carreras nuestras – d’o CSO Kike Mur, ya en fa más de dos anyadas”, rematan.

 

Fuent: http://arainfo.org/2013/11/la-av-venecia-llama-a-participar-en-una-asamblea-en-solidaridad-con-nano/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.