A banca d’Espanya amenista 40.000 millons d’euros, seguntes o FMI

O gubierno espanyol asperaba iste informe ta decidir si demandar un rescate ta la banca

Christine Lagarde, directora d'o FMI

Christine Lagarde, directora d'o FMI

Entre que creixe a sensación que iste cabo semana o gubierno espanyol demandará un rescate ta la banca, o FMI ha feito publico de maitinada o suyo informe sobre a situgación d’os bancos espanyols. L’ente presidiu por Christine Lagarde creye que o sector financiero espanyol amenista de 40.000 millons d’euros porque diz que esisten “muitas feblezas en o suyo sistema”.

L’informe destaca que “o nuclio d’o sector financiero espanyol ye bien chestionau y resistiría nuevos choques, pero existen encara importants feblezas en o sistema”. As necesidatz de capital d’os bancos febles superarán segurament o calculo feito publico por os costes de reestructuración y a reclasificación de ampres”. O calculo base ye de 40.000 millons, encara que se gosa d’aplicar un factor multiplicador de 1,5 por o que a quantidat estaria amanada t’os 60.000 millons d’euros.

A vicepresidenta d’o gubierno espanyol, Soraya Sáenz de Santamaría dició ahiera dimpués d’o Consello de Ministros que l’executivo asperaria a conoixer iste informe ta fer una decisión sobre un posible rescate, por lo que agora a pilota ye en o tellau d’o gubierno espanyol, dimpués que l’achencia Reuters publiqués o viernes de maitín que iste cabo semana Espanya demandaría ixos diners ta saneyar a suya banca.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.