A busca de 51 fosals republicanos en o Pirineu aragonés se financiará a traviés de micromecenazgo

A manca de refirme instiucional ha levau a lo Rolde Republicano de l'Alta Galliguera a esleixir a financiación colectiva ta pagar o prochecto.

Foto: somosamalgama.com

Foto: somosamalgama.com

Ya se han trobau 21 fosals, pero en falta 51. O Rolde Republicano Alto Galligo apuesta por o micromecenazgo u crowdfunding ta financiar o nuevo prochecto suyo: fer d’iste espacio un puesto de memoria colectiva y dar respuesta a las familias. Dimpués de qualques meses de treballo, ista asociación ha conseguiu desenterrar 21 fosals y trobar-ne atras 51 en o Molín Escartón, una redolada que tenió funcions d’hespital de campanya y a on que bi ha 72 apedecamientos. Ta continar enantando en iste proceso a on que no bi ha refirme d’as administracions, o Rolde Republicano demanda o refirme de totz os ciudadans compromesos con a causa.

En que troben os fosals con un sistema de resistencias, o Rolde Republicano i meterá unas placas identificativas y se i construyirá un monumento de remeranza “ta que as familias tiengan localizaus a la suya parentalla y tiengan un puesto a on que deixar flors.”

Con istas actuacions, l’asociación enanta en un d’os obchectivos suyos: refirmar a las familias que no tienen d’información sobre os muertos en a Guerra Civil. Ista información será clau ta reconstruyir os frents de guerra de toda la redolada y ta enantar en as investigacions, estudios y adhibir datos t’os archivos t’as poblacions ya que en ista redolada d’o Pirineu se rechistroron muitos muestos y a más gran parti d’ells no se han trobau encara.

O Rolde Republicano contará con 45 diyas ta conseguir os 1.500 euros que ferá servir ta pagar os treballos d’identificación, os desplazamientos, as placas identificativas y o monumento. A suya intención ye de fer o prochecto en l’agorrada y de celebrar un acto de devantadera o diya 9 d’aviento.

 

Fuent: http://www.cronicadearagon.es/wordpress/?p=43727

Una rispuesta a A busca de 51 fosals republicanos en o Pirineu aragonés se financiará a traviés de micromecenazgo

  1. Pingback: A busca de 51 fosals republicanos en o Pirineu aragonés se financiará a traviés de micromecenazgo | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.