A CAI pareix no querer negociar o desafucio de Mamadou

Si mica no cambea, o guineano y a suya familia serán desaloxaus de casa suya o miércols.

Imachen d'a concentración d'o chueves 12 "Hué ye Mamadou, manyana yes tú" (Foto: Arainfo)

A Caja Inmaculada de Zaragoza (CAI) no ha respondiu a la proposa que le presentó fa una semana o colectivo Stop Desahucios ta negociar una salida digna a o posible desaloixo d’una familia guineana previsto ta manyana miercols 18 de chinero.

A primera solicitut d’a plataforma senyala que “s’adopte a mida de conceder una dación en pago, con extinción total d’a deuda hipotecaria, y se proceda a formalizar contrato de 5 anyos de loguer a un pre asequible. Considerando a situación economica actual de Mamadou y a suya familia, o pre d’iste loguer habrá d’estar simbolico y no superar os 100 euros”.

L’escrito senyala que “como solicitut secundaria, y en caso de no estar viable ta la entidat l’anterior solicitut, s’adopte en cualsiquier caso a mida de conceder una dación en pago , con extinción total d’a deuda hipotecaria”.

Stop Deshaucios adhibe que “a responsabilidat social d’as entidatz bancarias ha de traducir-se en a ufierta de solucións razonables y factibles como la dación en pago” y considera “inacceptable” que istos procesos hipotecarios causen un risco “d’exclusión social” d’as familias afectadas.
En caso de no recibir rispuesta, a plataforma afirma estar disposada a “levar a cabo aicións de protesta publica ta denunciar l’actuación de CAI en o caso de Mamadou, tal y como ya hemos feito antis. Asinas mesmo, s’estudeará fer procesos de denuncia publica de conchunta, a ixena con atros afectaus por a Hipoteca que proviengan d’a mesma entidat financiera”.

Fuent: http://elventano.blogspot.com/2012/01/la-cai-no-parece-querer-negociar-el.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.