A calidat de l’aire será o nuevo bloque tematico de “La Calle Indiscreta”

Continan os tallers y actividatz que conciencian sobre afers ambientals

Actuación de La Chaminera en La calle indiscreta (Foto: La calle indiscreta)

Actuación de La Chaminera en La calle indiscreta (Foto: La calle indiscreta)

O mes d’octobre contina centrau en o nuevo curso educativo d’os más chiquetz, adhibindo novedatz a la achenda de l’Aula de Meyo Ambient Urbano “La Calle Indiscreta”, de Zaragoza, que promove lo Departamento de Meyo Ambient d’o Gubierno d’Aragón.

O tercer ciclo de Primaria y o primer de Secundaria tienen un taller feito de propio ta ells, sobre a biodiversidat urbana que a soben no se’n para cuenta entre l’estrapalucio d’a ciudat con o protagonsimo d’a flora y fauna d’a ribera de l’Ebro como recorriu. Se ferá os sabados 5 y 19 d’octobre, de 10:30 a 13:00.

A novedat expositiva d’o curso tendrá como tema la calidat de l’aire que alentamos; o complemento natural d’o taller de contaminación atmosferica ta escolars de Primaria y Secundaria que, en chunto a las actividatz educativas sobre l’augua, os repuis, o consumo responsable, a enerchía u lo cambio de l’orache estructuran a linia de comportamientos y costumbres con que afectamos o meyo ambient.

Antimás continan as exposicions que ya prencipioron en setiembre. Rojo, amariello y verde (movilidat sostenible) en o Centro d’exposicions y congresos de Balbastro, dica lo 16 d’octobre; y Cambiemos nusatros ta no cambiar l’orache (causas y conseqüencias d’o cambio de l’orache) en o Planetario de Uesca dica o 19 de noviembre.

Os tallers de reemplego continan tenendo un espacio prou important en a programación de La Calle Indiscreta. O viernes 11 bi’n habrá un ta ninos y os martes 22 y 29 d’octobre, de 17:00 a 20:00 serán os de adultos, menau por Mariola Palacio. Toda la resta d’actividatz y tallers que organiza iste centro se pueden consultar en http://www.lacalleindiscreta.es

 

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.