A Camara d’os Comuns britanica apreba o matrimonio homosexual

O Parlamento britanico apreba o matrimonio homosexual por ampla mayoría, a tamás d'o refuse de gran parte d'os conservadors, que gubiernan con os liberal democratas

Westminster_palace

Foto: Wikipedia

Dimpués de seis horas de duro debat, a Camara d’os Comuns britanica aprebó ahiere a legalización d’o matrimonio homosexual con 400 votos favorables y 175 en contra. Laboristas y liberal democratas refirmoron a proposa d’o gubierno britanico, que esfendió o suyo primer ministro, David Cameron, pero que contó con o refuse d’a mayor parte d’a suya colla parlamentaria.

Ista proposa ferá legal o matrimonio entre personas d’o mesmo sexo en Anglaterra y Galas (Escocia y Irlanda d’o Norte tienen as competencias transferidas), t’o qual, habrá de pasar t’a fase d’esmiendas y estar dimpués aprebada por a Camara d’os Lors, o qual se preveye ta 2014. Dende alavez, serán legals istas vodas tanto civils como relichiosas, encara que en o zaguer caso, penderá d’a confesión, y en o caso d’a Ilesia anglicana, mayoritaria, serán ilegals. Tamién se legaliza poder estar casau y cambear de sexo. Manimenos ya se permitiba a las parellas d’o mesmo sexo en unión civil (no matrimonio) adoptar.

Istas midas yeran una promesa electoral d’o Partiu Liberal Democrata, que ye socio d’os conservadors en o gubierno britanico.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.