A campanya especial ta cusirar as motocicletas remató en Zaragoza con 79 denuncias

A campanya preba d'enamplar as midas de seguridat d'os conductors.

Foto: Cronica de Aragón

Foto: Cronica de Aragón

A campanya especial ta cusirar as motocicletas que ha desembolicau a Policía Local de Zaragoza y la DGT mientres a semana pasada controló un total de 959 aparatos y tramitó 79 denuncias, a más gran parti por pasar a velocidat permitida y por no tener actualizada la ITV.

Ye una campanya anyal, en ista ocasión empentada por a Dirección Cheneral de Trafico, que prencipia en plegar o buen orache ta “animar a los conductors a extremar as midas de seguridat”, ya que ye “una traza de movilidat muito pincha t’as ciudatz, pero muito expuesta ta conductors y acompanyants si bi ha un accident de trafico”.

Mientres a semana pasada, a Policía de Zaragoza comprebó a circulación de 959 motos y tramitó 79 denuncias. D’ellas 15 estioron por pasar a velocidat, lo que suposa un 18% d’o total de pinyoras. Un numer parellano ye por rezagar-se en cumplir a ITV. Muito luen son as cheneradas por alcoholemias positivas, que no’n estioron que 2 u as tres que se facioron en no poder presentar a los achents as documentacions d’as motos u d’os conductors.

As motos (28.028) han ixamplau o suyo numer de traza notable en Zaragoza, igual como en atras ciudatz, y con ista presencia mayoritaria la siniestralidat, ya que en qualsiquier incident os conductors tienen más posibilidatz de tener lesions. En as pasadas cinco anyadas bi habió una meya de 407 accidents de moto con dos muertos cada anyada y 161 ferius grieus.

 

Fuent: http://www.cronicadearagon.es/wordpress/?p=40657

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.