A cara B de Rajoy: os nuevos retalles que ha “xublidau” comentar

Rajoy en a suya rueda de prensa no ha esplanicau iste nuevo achuste que suposa 90.000 millons d'euros más

Rajoy canta gol en un partiu d'Espanya en a Eurocopa

Rajoy canta gol en un partiu d’Espanya en a Eurocopa

En a rueda de prensa dimpués d’o Consello de Ministros, o president d’o gubierno d’Espanya ha “xublidau” fer mención a la nota de prensa que minutos dimpués penchaba en o web o cabinete de prensa d’a Moncloa. Ixa nota de prensa fabla d’un nuevo achuste en o presupuesto, y que o gubierno espanyol ha ninviau ta Bruselas, y que ye zifrau en arredol de 90.000 millons d’euros en os anyos 2013 y 2014. Amás, l’achuste tamién ferá que as autonomías retallen 19.000 millons d’euros más en os suyos presupuestos.

Seguntes a nota, una d’as partidas más afectadas estará o gasto en o sector publico, lo que fa preveyer nuevos retalles en o funcionariau, por más de 9.000 millons d’euros. Atros 9.000 millons d’euros d’iste achuste, seguntes a nota siempre d’o gubierno espanyol, serían d’a reforma de l’administración local, con a eliminación de “duplicidatz” u la prestación de servicios conchuntos dentre entes locals. En os quadros s’esplanica as midas d’achuste especificas de l’estau espanyol serán de 10.000 millons d’euros, mientres que as d’as comunidatz autonomas puyarán dica os 19.000.

En o quadro de previsións, amás, o gubierno espanyol calcula una cayita de meyo punto en l’anyo 2013 en o PIB, pero un creiximiento de l’1,2% en 2014, y espera achiquir o deficit dica o 4,5% d’o PIB en 2013 y dica o 2,8% en o 2014.

Una rispuesta a A cara B de Rajoy: os nuevos retalles que ha “xublidau” comentar

  1. A cara B de Rajoy: os nuevos retalles que ha “xublidau” comentar | Arredol, me ha parecido muy revelador, me hubiera gustado que fuese más largo pero ya saeis si lo bueno es breve es dos veces bueno. Enhorabuena por vuestra web. Besotes.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.