A caravana mexicana por a paz plega en Chiapas

A marcha ye encabezada por o poeta Javier Sicilia

Javier Sicilia en a Marcha por a paz con chusticia y dinnidat

Javier Sicilia en a Marcha por a paz con chusticia y dinnidat. Autor: Guerry Monero

O poeta Javier Sicilia, que ha encabezau diferents manifestacions baixo lo lema Estamos hasta la madre dende que o suyo fillo morise chunto con atros seis chovens o pasau 28 de marzo a mans d’o crimen organizau en a localidat mexicana de Temixco; se trobó lo sabado con l’Ejército Zapatista de Liberación Nacional (EZLN) y se miró d’equiparar o movimiento zapatista con a caravana por a paz.

“O Gobierno les traicionó y nusatros, sin saber bien o que nos heban revelau, tornemos a susmeter-nos a o chuego de l’Estau, a la corrupcion d’os gobiernos, a la simulación d’una transicion democratica. A consecuencia d’ixe oblido desgarró encara más o texiu social d’a nación“, aseguró lo poeta en a trobada.

O motivo d’a presencia de Sicilia en Chiapas estió a segunda caravana promovida por o Movimiento por la Paz con Justicia y Dignididad, que recorrió primero lo norte d’o país da denunciar as matacías d’a delincuencia organizada, ta continar dimpues por o sur, an que os crimens d’o narcotrafico se mezclan con a violencia sistematica, a pobreza endemica y os intreses de l’Estau y as multinacionals contra os indichenas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.