A caravana por a Paz de Mexico plega en Nueva York

Demandan a fin d'a violencia por narcotrafico en Mexico

Javier Sicilia, un d'os manifestants (Foto: Wikipedia)

Javier Sicilia, un d’os manifestants (Foto: Wikipedia)

Cientos d’activistas d’a Caravana por a Paz de Mexico han demandau iste lunes a fin d’a guerra armada contra as drogas debant d’a Casa Blanca en Washington (EE.UU).

A caravana ha recorriu bells 10.000 kilometros dende que surtió o 11 d’agosto de Tijuana, en Mexico, dica plegar ta Nueva York. En ixe viache se i han sumau más de 100 organizacions d’Estaus Unius y más de 50 de Mexico. Quieren con ista acción “creyar consciencia sobre a insoportable dolor y as perdas causadas por a guerra d’as drogas y a graniza responsabilidat compartida ta proteixer a las familias y comunidatz en totz dos países”.

O suyo principal dirichent, o poeta y activista Javier Sicilia creye que a radiz d’a violencia en Mexico ye en que EE.UU. ye o más gran mercau de drogas d’o mundo y que ixe país ye o principal proveyedors d’armas t’as bandas criminals.

Mientres ista zaguer etapa d’a caravana han demandau d’achuntar-se con os principals politicos. L’alcalde de Nueva York ya refusó o convite y o president Obama no ha dau encara una respuesta. Manimenos sí que han conseguiu una reunión con bells congresistas y funcionarios d’o Departamento d’Estau.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.