A Carpa d’o Ternasco presienta la suya programación t’os Pilars 2014

A carpa continará a o canto d'a plaza de Los Sitios de Zaragoza con toda la programación compuesta de mosicos y collas aragonesas.

cartelQuan ya queda menos d’un mes ta que prencipien as fiestas mayors de Zaragoza, as fiestas d’o Pilar, ya se van conoixendo muitas d’as actuacions que se ferán en os diferents scenarios d’a ciudat. Iste mierques se fació publica la programación d’a Carpa d’o Ternasco d’Aragón t’os Pilars 2014.

A programación prencipia, igual como en anteriors edicions, una semana antes, con o festival prePilar. O viernes 26 será Juan Perro lo mosico que animará la nueit dimpués d’una tarde de concursos, monologos y chuegos infantils en a Nueit Europea d’os Investigadors. O sabado, Los Berzas tornarán a actuar dimpués d’haber deixau a mosica mientres muitas anyadas, repetindo a exitosa experiencia de l’anyada pasada. Maut zarra la programación prePilars con o suyo folk electronico, y presentando lo suyo nuevo disco, dimpués d’una chornada entera de tallers y bailes de mosica folk.

Sin asperar a lo pregón, o chueves 2 d’octubre, la carpa ferá la fiesta presentación con muita humor. Los Gandules y Juako Malavirgen, dos bien conoixius d’a Carpa, ferán redir a qui se i acerque. Mientres la resta de diyas, toda mena de mosica i pasará. Heavy con as collas homenaches Black Ice y Iron Maños, Folk-Rock con 13 Krauss y Cachirulos XL, la rumba de China chana, o reggae de Los Brodies, o folk d’a Libertina y asinas asinas, dica completar totz os diyas de fiestas.

Toda la programación ye compuesta por colla de tot aragonesas, como ye cutiano en a Carpa. Tamién como de cutio, dende lo maitin bi habrá animación infantil y toda mena d’actividatz endrezadas ta totz os publicos.

Una rispuesta a A Carpa d’o Ternasco presienta la suya programación t’os Pilars 2014

  1. Pingback: A Carpa d’o Ternasco presienta la suya programación t’os Pilars 2014 » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.