A casa reyal espanyola publica una parti d’as cuentas

O gasto total puya ta más de 8 millons d'euros.

Rei d'Espanya (Foto: Gubierno Federal mexicano)

Rei d'Espanya (Foto: Gubierno Federal mexicano)

A casa reyal espanyola ha feito publicas as cuentas suyas por primer vegada dende a restauración d’a monarquía. En os datos alportaus se replega como y en qué se han gastau os diners que reciben d’os presupuestos chenerals de l’estau.

Seguntes istos o rei Juan Carlos ha cobrau un chornal bruto de 292.752 euros, o doble que o fillo suyo y hereu d’o trono. No paga, antimás ni Seguridat Social, luz u augua. A reina, a princesa Letizia y as dos infantas cobroron un total de 37500 euros en concepto de ‘gastos de representación’, encara que en a documentación alportada no diz que cantidat recibió cadaguna d’ellas.

A resta de gastos que bi ha en os más de ueito millons d’euros que costó a casa reyal ista anyada son gastos de personal, gastos corrients, fundo de continchencia, y inversions. Cuanto a personal, son bellas 500 personas las que i treballan.

Bi ha gastos que no se i especifican y que van a cargo de l’estau: viaches oficials, sostenimiento de Patrimonio y gastos relacionaus con a seguridat.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.