A CHE apreba una nueva DIA pa l’entibo de Mularroya

A CHE publica en o BOE o periodo d'información publica d'a nueva DIA de l'entibo de Mularroya, que estió declarau ilegal por os tribunals espanyols

Protesta d'a Plataforma Jalón Vivo

Protesta d’a Plataforma Jalón Vivo

A Confederación Hidrografica de l’Ebro (CHE) ha anunciau y publicau en o Boletín Oficial de l’Estau (BOE) a obridura d’o proceso d’información publica d’a nueva Declaración d’Impacto Ambiental (DIA) d’a construcción de l’entibo de Mularroya. L’anterior DIA estió anulada por l’Audiencia Nacional espanyola en 2009, pese que no aturoron as obras de construcción. Manimenos, en marzo d’iste anyo, o Tribunal Supremo espanyol confirmó a sentencia de l’Audiencia Nacional y confirmó l’anulación d’o prochecto en considerar que no i heba midas pa guaranciar a protección medioambiental en as zonas de construcción de l’entibo. As obras alavez sí que s’aturoron.

A CHE, dimpués de fer ista nueva DIA, aspera que o prochecto pueda estar aprebau definitivament a fin d’anyo u prencipio d’o venient. Manimenos, dende Jalón Vivo y COAGRET, entidatz que s’oposan a la construcción d’iste entibo, anuncian alegacions a la nueva DIA, con a intención de contrimostrar que a CHE contina incumplindo a normativa medioambiental respective a aus y habitats, seguntes publican en AraInfo. As organizacions ecolochistas denuncian que continará habendo-ie graus impactos en zonas ZEPA y LIC que no podrán estar resueltos.

Jalón Vivo y COAGRET recurrirán en os tribunals a nueva DIA y demandarán un mayor plazo d’alegacions a la CHE (tienen 30 diyas) en considerar que no ye prou plazo pa fer-lo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.