A CHE vieda quitar auguas d’a Uerva por a gran cantidat de peixes muertos

O volumen ye critico, seguntes diz a Confederación en un comunicau. O problema podría estar en a falta de movimiento y de caudal.

Foto: BiquipediaA Confederación Hidrografica de l’Ebro (CHE) ha viedau quitar ta regano caudals d’o rio Uerva auguas abaixo de l’entibo d’As Torcas, dimpués de detecta a muerte de decenas de peixes en una parti d’o río en a localidad de Tosos.

En un comunicau, l’organismo de cuenca, avisa de que o furo estiache que afecta a la cuenca de l’Ebro, o volumen “critico que tien l’entibo d’As Torcas y a cantidat de muertes de peixes ha obligau a prener ista mida.

As cacanas alportacions d’o rio ya facioron, antes d’o escompencipie de l’actual campanya de riegos que se adoptase una chestión “achustada” d’o volumen de reservas de l’entibo.

A Confederación Hidrografica de l’Ebro ha decidiu d’adebantar a fin d’a campanya de riegos, lo que, en opinión d’os suyos responsables, “contrimuestra una chestión acorde con as reservas ta poder cubrir os emplegos de l’entibo”.

A vieda se mantendrá mientres a investigación que ha ubierto una posible sacada d’auguas no autorizada que haiga puesto contribuyir a fer pior a situación meyoambiental d’a Uerva en pasando por Tosos.

Dende a CHE se asegura tamién que en garra inte s’ha deixau de fer alportacions a lo río dende l’entibo d’As Torcas, superiors a las dentradas.

En concreto, os datos alportaus revelan que a dentrada de caudals a l’entibo ye de 30 litros por segundo. A feita a lo río dende ista infraestructura ye estada de 50 litros por segundo.

Dimpués de sinyalar que a situación d’estiache no permite descartar que apareixcan tramos de río sin caudals circulando-ie, a CHE avisa de que as reservas actuals de l’entibo son por debaixo d’un hectometro cubico, volumen que se ye chestionando ta cubrir os emplegos concesionals, más que más, l’augua de boca.

Os tecnicos d’a Confederación han retirau mientres istos diyas os peixes muertos y han capturau os vivos ta levar-los t’atras partis con más augua.

Antimás d’o furo estiache y a cacana alportación de caudals, l’Organismo de cuenca investiga a posibilidat de que bell furto de caudals haiga aduyau a achiquir o caudal d’a parti afectada y a causar as muertes.

A ista situación se suma, antimás, a existencia d’una parti de leito de río muito permeable que favoreix que se tresminen caudals ta un acuifero soxterranio.

Fuent: http://www.aragon2.com/n-12866-3-CHE_prohibe_detraer_aguas_Huerva_tras_alta_mortandad_peces

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.