A Chunta Municipal Centro refusa o carril–bici de Independencia y anuncia que planteyará una reprobación contra Dueso

Patricia Cavero creye que no se fa caso a los vecins en no consultar una mida que ha cambiau a configuración d'o Paseyo

O carril pintau en a cera (Foto: Crónica de Aragón)

O carril pintau en a cera (Foto: Crónica de Aragón)

A concellera – presidenta d’a Chunta Municipal Centro, Patricia Cavero, ha repetiu iste martes o refús d’o suyo distrito a lo carril-bici que plega de meter en marcha o Gubierno de Zaragoza en o Paseyo Independencia. Cavero ha lamentau ista “nueva imposición” d’o PSOE y os socios suyos d’o centro, una mida que “no s’ha consensuau con dengún y antimás cuenta con o refús de quasi tot lo mundo: peatons, hostelers, … mesmo os propios ciclistas”.

A concellera ha denunciau que a decisión unilateral de pintar o carril-bici en a carrera principal d’a ciudat fa esclatero que a consellera de servicios Publicos no ye fendo mica caso a la Chunta Municipal Centro y a los suyos representants. Por ixo, os vocals d’o PP van a planteyar a reprobación de Carmen Dueso y de que “siga encerrinada en incumplir o Reglamento de Participación Ciudadana”. Seguntes Cavero, “quan no se consulta una decisión de tanta importancia, que cambea la configuración d’a principal vía de Zaragoza y afecta a mils de personas cada diya, significa que o deficit de participación ciudadana en o Gubierno de Zaragoza ha sobrepasau todas as mugas conoixidas dica agora”.

A “popular” ha remerau que o Gubierno de Zaragoza teneba a obligación d’informar a la Chunta Municipal, pero no lo fació. En iste sentiu, s’ha preguntau “¿cómo pueden presumir l’alcalde y os socios suyos de tener un gubierno participativo quan os prochectos importants sisuiá se consultan con os principals afectaus? No lo facioron con o tramvía y agora continan sin fer mica caso a o distrito”. A moción que refusa o pintau d’o carril -bici en Independencia se debatirá la semana venient en o plano d’a Chunta Municipal Centro.

 

Fuent: http://www.cronicadearagon.es/wordpress/?p=38686

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.