A Ciudat d’a Chusticia contina recibindo ista semana a los Chuzgaus d’o Social

Buena parti d'os chuzgaus ya han prencipiau a treballar en o recinto Expo. Mientres lo mes continan levando-ie atros chuzgaus.

expo

A ciudat d’a Chusticia contina mientres istos diyas recibindo bells quantos d’os servicios que teneban antis en o centro de Zaragoza. Os chuzgaus d’o Contencioso Administrativo, os de menors, y a fiscalía de menors antimás d’os quatre Chuzgaus d’o social ya son instalaus en o recinto Expo y fendo o suyo treballo cutiano. Os d’o social serán os venients en plegar-ie deixando a suya antiga siede d’a carrera Alfonso.

Ya se i han levau más de 2.000 caixas plenas d’expedients y material de treballo, siempre fendo istas fainas en horario de tardes, pasau l’horario d’atender a o publico. Más de 150 personas son ya treballando-ie entre machistraus, secretarios chudicials, funcionarios, … O lunes y o martes se i levoron os Chuzgaus d’o Social 5 y 6, entre que o miercols ye o numer 7 o que ye indo-ie. Dende o 17 de chunio tamién bi irán os Chuzgaus de Familia y Incapacidatz.

L’obchectivo, seguntes o Gubierno d’Aragón ye d’unir-ie en un solo espacio moderno y funcional de más de 65.000 metros cuadraus, os Chuzgaus que, dica agora, yeran espardius en cinco siedes diferents. Ta poder estar a la tisva de totz os cambios actualizaus, s’ha creyau una web www.ciudadjusticiazaragoza.es a on que ye toda la información.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.