A Comarca de Sobrarbe exiche quasi por unanimidat o mantenimiento de 1º y 2º d’a ESO

O Consello Comarcal de Sobrarbe exiche a o Gubierno d'Aragón que contine a ufierta educativa de 1º y 2º d'a ESO en os suyos lugars

escuela-rural-blogO Consello Comarcal de Sobrarbe reuniu iste pasau lunes aprebó quasi de forma unanime, ya que tres consellers d’o Partiu Popular s’abstenioron, una moción d’o Grupo de CHA por a quala a Comarca de Sobrarbe exiche a o Departamento d’Educación, Universidat, Cultura y Esporte, o mantenimiento d’a ufierta educativa d’os estudios de primer y segundo d’Educación Secundaria Obligatoria en os colechios publicos d’infantil y primaria.

A Comarca de Sobrarbe exiche que se provedeixca de medios y recursos suficients tanto personals, economicos y tecnicos a os Colechios Rurals Agrupaus (CRA) como a os colechios publicos d’infantil y primaria d’o medio rural que permitan ufrir uns livels adequaus de calidat en l’amostranza desembolicada en istos centros. Iste alcuerdo será remitiu a la Consellería d’Educación, Universidat, Cultura y Esporte d’o Gubierno d’Aragón.

José Ramón Ceresuela, Vicepresident d’a Comarca recuerda que “qui vivimos en municipios que presentan baixa densidat de población y gran dispersión demografica, no imos a permitir que s’impose ista decisión unilateral que conllevaría dificultatz de transporte con largos recorrius dica os centros de secundaria y un truco mortal a o mundo rural aragonés, con especial incidencia en l’Alto Aragón, ya que a mida afectaría a 12 centros de 7 comarcas diferents, Altorricón, Ansó, Ayerbe, Belver, Benavarri, Boltanya, Broto, Campo, Echo, Lanacha, Tardienta y Zaidín”.

Fuent: http://arainfo.org/2013/05/la-comarca-de-sobrarbe-exige-casi-por-unanimidad-el-mantenimiento-de-1o-y-2o-de-la-eso/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.