A comarca d’o Xiloca aculle a aman de 130 dinamizadors rurals

Ista trobada s'enmarca en o prochecto de cooperación Leader “Chovens dinamizadors rurals”.

O grupo más chóven s'aloixará en Calamocha. (Foto: Biquipedia)

A Comarca d’a Xiloca aculle a amán de 130 chóvens dinamizadors rurals en o prochecto de cooperación Leader “Chovens dinamizadors rurals”, en o qual participa o Grupo d’Acción Local Adri Jiloca Gallocanta. Ista asociación organiza, d’o 9 t’o11 de marzo, dos trobadas de chovens en as localidatz de Calamocha y Sierra Menera.

Os participants s’organizan en dos grupos, atendendo a la suya edat, intreses y necesidatz. Os mas chóvens, de 14 a 18 anyos, se darán cita en o Criet de Calamocha, an s’alocharán y levarán a cabo os tallers de formación y as dinamicas d’animación. Amás, en a trobada ye prevista a visita a un emprendedor choven d’a zona, acción que permite tresladar a os chóvens a importancia d’enchegar prochectos empresarials en o meyo rural.

O grupo d’adultos s’alochará en l’Albergue de Sierra Menera, y tiene previsto un programa formativo basau en l’intercambeo d’as ferramientas que fan servir chovens de diferents territorios ta dinamizar os suyos municipios, a chestión d’o tiempo en as reunions de grupo, y a vinculación d’o voluntariau con as iniciativas socials. Os mas mayors tamién contarán con a visita d’una choven emprendedora d’a comarca d’a Xiloca y tendrán a oportunidat de visitar as Minas.

En istas dos trobadas incorporan a novedat que o tradicional Acto Institucional de Bienvenida se convierte en un café tertulia en o qual participan chovens y politicos y en ol qual saldrán a debat temas como o papel d’os chóvens en os lugars, o treballo real d’os responsables publicos en as institucions, cómo amanar posturas con os vecins, cómo atender demandas y asinas, asinas.

Fuent: http://www.comarcas.es/index.php/mod.noticias/mem.detalle/idnoticia.6714/relcategoria./chk.47cb7391e8f0c29f480dd008ac9ece70.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.