A Comisión d’Investigación d’a CAI recibe a qui exercioron de directors chenerals entre 1985 y 2009

Juan José Grávalos, Luis Calvera y Tomás García, y d'os adchuntos d'os puestos suyo, declaran en as Cortz de Aragón

Foto: Cronica de Aragon

Foto: Cronica de Aragon

A Comisión d’Investigación d’as Cortz d’Aragón sobre a Caja de Ahorros de la Inmaculada (CAI) pregunta hue, dende as 9:30, a qui estioron directors chenerals d’a entidat financiera entre 1985 y 2009. Os tres responsables que estioron en iste cargo en os zaguers y primers anyos d’o cambio de sieglo charrarán debant de l’organo parlamentario que se constituyó en a Cambra.

En primer puesto s’ha citau a Juan José Grávalos, qui estió director entre chulio de 1985 y chenero de 2001. Dimpués ye previsto que charre o responsable que sustituyó a Grávalos y s’estió en o puesto dica setiembre de 2005, Luis Calvera, qui tamién heba estau antes director cheneral adchunto y president de CAI Inmuebles. Continando o mesmo esquema cronolochico, a Comisión d’Investigación ha citau a Tomás García, relevo de Calvera en 2005 y director cheneral d’a entidat dica aviento de 2009.

Dimpués d’as comparecencias d’os tres directors chenerals en ixa puenda, son estaus convocaus por a Cambra dos adchuntos a iste puesto, Antonio Hernández, qui estió segundo d’a entidat entre 2001 y 2008, y Juan Antonio García, qui estió en o mesmo puesto entre 2009 y 2011. Antimás, d’alcuerdo con o calendario de treballo propio que disenyó la Comisión, s’atenderá o qüestionario d’o responsable d’o Rete de Distribución entre chulio de 2011 y abril de 2008, José Bertol.

Ista Comisión d’Investigación prencipió o suyo funcionamiento en o pasau 5 de mayo, dimpués de que s’alcordase a suya creyación en pleno lo 28 de marzo de 2014. A colla, menada por o parlamentario d’o PAR, Antonio Ruspira, ye formada por Florencio García Madrigal (PSOE), María Ángeles Orós (PP), Gregorio Briz (CHA) y Luis Ángel Romero (IU), qui ya se han convocau en una decena de vegadas ta planificar os suyos treballos y preguntar a los primers citaus d’o total de quaranta y tres.

Fuent: http://www.cronicadearagon.es/wordpress/hoy_destacamos/la-comision-de-investigacion-de-la-cai-recibe-hoy-a-los-que-ejercieron-como-directores-generales-entre-1985-y-2009

Una rispuesta a A Comisión d’Investigación d’a CAI recibe a qui exercioron de directors chenerals entre 1985 y 2009

  1. Pingback: A Comisión d’Investigación d’a CAI recibe a qui exercioron de directors chenerals entre 1985 y 2009 » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.